Forsøk og praktisk arbeid

3B. Send ord med binær kode

Ark 5-6 i presentasjonen. Innled om binære tall,.

Ark 7-9 i presentasjonen. Be elevane finne fram elevarket ASCII-kode. Dei skal ha blyant/penn klar.

Hald eit talkort med 0 i den eine handa og eit med éin i den andre. Send eit ord på tre bokstavar som elevane skal avkode ved å løfte talkorta, f.eks. HAV:

01001000 01000001 01010110

Elevane skal notere i skjemaet. Deretter skal dei avkode talstrengen til bokstavar ved å bruke ASCII-tabellen.

Be kvart elevpar lage to lappar med 0 og 1 slik du sjølv har gjort.

No skal dei sende eit ord til kvarandre som binær kode.

Fagleg bakgrunn

Binær kode

Ein ASCII-tabell har ein kode på 8 bit for alle bokstavar og teikn.

binær kode ASCII

Merk at alle teikn, bokstavar og tal har ein unik kode på 8 bit. At koden er 8 bit, betyr at det er 8 siffer i det binære ordet for kvart teikn. For eksempel har A den binære koden 01000001. Kvart siffer (0 eller 1) kallar vi eit bit. I ei rekke med 0 og 1 vil kvar gruppe på 8 bit representere eitt teikn. Systemet må vite startpunktet på rekka slik at dei blir gruppert.

Eksempel:

01000010010000010100101101000101

blir

01000010 01000001 01001011 01000101

B A K E

I ein tekst vil alle tal bli tolka som teikn og ikkje som tal det kan gjerast matematiske operasjoner på. Om du skriv 2 + 3 = i eit word-dokument og trykker enter, vil du få linjeskift og ikkje svaret på rekneoppgåva. Datamaskinen tolkar det som teikn og ikkje som tal.

Ark 10-11 i presentasjonen. Gjennomgå bit og bitfart.

Fagleg bakgrunn

Ark 12-14 i presentasjonen. Repeter oppdraget og sei til elevane at dei snart skal bli einige om kva kommunikasjon deira plagg treng. Repeter om ulike kategoriar trådlaus kommunikasjon.

Ark 16 i PowerPoint. Vis innslaget frå Schrödingers katt. Det er innslag 5, frå 18m29s til 22m59s.

Ark 17 i PowerPoint. Gi elevane fem minutt til å diskutere idear.