Korleis lagar trea ny ved?

Planter veks fordi cellene delar seg for å lage nye celler. Dei nye cellene bygger opp alt vevet og dei ulike delane av planta, slik som røter, stenglar, blad, blomar og frø. Celler i stenglene hos nokre planter kan utvikle seg til å bli ved. For at celler skal kunne dele seg, treng dei energi og råstoff til nye celler. Mineral frå jorda gir ikkje energi og gir berre ein veldig liten del av råstoffet som cellene består av. Planter skaffar si eiga næring gjennom fotosyntesen, der det grøne klorofyllet i blada brukar energi frå sollyset for å setje saman karbondioksid- og vassmolekyl i ein kjemisk reaksjon. Denne reaksjonen gir glukose og oksygen. Glukosen kan gi plantene energi, bli omdanna til cellulose eller bli lagra som stivelse. Planter brukar cellulose for å lage nye celleveggar og bli større. I tre er cellulose hovedmaterialet i veva som utviklar seg til ved. Ved styrkar stenglane i trea slik at dei kan vekse seg høge.