Korleis er periodesystemet organisert?

Vis grubleteikninga til elevane. PDF: bokmål nynorsk

Les høgt dei ulike utsegnene eller la elevane lese dei sjølve. 

Bruk  tenk-par-del  der kvar enkelt elev først tenker gjennom kven han/ho er mest einig med. La dei så fortelje kvarandre to og to kva dei tenker. Be dei om å grunngi kvifor dei tenker som dei gjer. La til slutt nokre av elevane fortelje heile klassen kva dei snakka om. 

La elevane undersøke periodesystemet. Be dei sjå på tala til grunnstoffa for å sjå etter mønster. Be dei undersøke historia til periodesystemet, ved å lese Grunnstoffenes periodiske system og søke vidare på internett. Spør: Kven laga det første periodesystemet?  

Sei: I dag er grunnstoffa ordna etter atomnummer, ikkje etter atommasse. Kva er forskjellen? [atomnummer viser kor mange proton atomet har, atommassen viser gjennomsnittleg masse til eit atom, det vil seie summen av proton- og nøytronmassen] 

Be elevane velje fem grunnstoff frå ulike stadar i periodesystemet, og prøve å forklare korleis atomnummeret og atommassen påverkar eigenskapane til kvart grunnstoff.