Eksoterme og endoterme reaksjonar

I ein kjemisk reaksjon blir nokre bindingar mellom atoma brotne og nye bindingar blir danna. Det trengst energi for å bryte bindingane og starte den kjemiske reaksjonen. Dette kallar vi aktiveringsenergi. Nokre gongar er aktiveringsenergien så låg at reaksjonen startar spontant, fordi energien frå partiklar som kolliderer er stor nok til å starte reaksjonen. Når han først er i gang, så er forbrenning ein eksoterm reaksjon. Dette betyr at energi blir overført til omgivnadane. Flammen brenn ved ein ganske konstant temperatur og overfører energi til omgivnadane.

Nokre reaksjonar er endoterme, det vil seie at dei må absorbere energi for at dei skal skje. Desse reaksjonane treng ofte å bli varma opp for å starte, og dei gjer omgivnadane kaldare. Å lage ein omelett frå rå egg er ein endoterm reaksjon. Du må bruke energi for at det skal skje.