Ser vi fyrverkeriet før vi høyrer det?

Vis grubleteikninga til elevane. PDF: bokmål nynorsk

Les høgt dei ulike utsegnene eller la elevane lese dei sjølve. 

Bruk  tenk-par-del  der kvar enkelt elev først tenker gjennom kven han/ho er mest einig med. La dei så fortelje kvarandre to og to kva dei tenker. Be dei om å grunngi kvifor dei tenker som dei gjer. La til slutt nokre av elevane fortelje heile klassen kva dei snakka om.

Spør: Har de eksempel på at de kan sjå noko før de høyrer det? [lyn og tore] Snakk saman om det alltid skjer i denne rekkefølga. Be elevane undersøke på internett korleis lys og lyd beveger seg og kor raskt det skjer. Sei: Sjå for dykk ein gigantisk eksplosjon på månen. Ville det vore mogleg å sjå og høyre denne eksplosjonen her? Ville den infraraude strålinga gjort deg varmare? 

Be elevane skrive ei forklaring på korleis vi kan finne ut kor langt unna uveret er ved å telle tida det tar frå vi ser lynet til vi høyrer toreskrallet.