Kva er skyer, dis og tåke?

Vis grubleteikninga til elevane. PDF: bokmål nynorsk

Les høgt dei ulike utsegnene eller la elevane lese dei sjølve. 

Bruk  tenk-par-del  der kvar enkelt elev først tenker gjennom kven han/ho er mest einig med. La dei så fortelje kvarandre to og to kva dei tenker. Be dei om å grunngi kvifor dei tenker som dei gjer. La til slutt nokre av elevane fortelje heile klassen kva dei snakka om. 

Diskuter kva som skjer når vi pustar ut på ein kald dag. [Det kjem røyk ut av munnen] Spør: Kvifor trur de at dette skjer? Sei: Sjå for dykk røyk som stig opp frå ei pipe. Trur de at røyk er fast stoff, væske eller gass? [blanding av alle tre] Snakk saman om korleis tåke er og korleis vi kan finne ut om tåke er det same som røyk.

Sei: Har de høyrt om smog? Ordet er sett saman av det engelske fog som betyr tåke og smoke som betyr røyk. Be elevane undersøke ved hjelp av internett kva smog er og kor vi kan finne det. Be dei lage eit kart over kva for byar som har skadeleg smog, og beskrive grunnen til at dei har det.