Er ultralyd ein lyd?

Vis grubleteikninga til elevane. PDF: bokmål nynorsk

Les høgt dei ulike utsegnene eller la elevane lese dei sjølve. 

Bruk  tenk-par-del  der kvar enkelt elev først tenker gjennom kven han/ho er mest einig med. La dei så fortelje kvarandre to og to kva dei tenker. Be dei om å grunngi kvifor dei tenker som dei gjer. La til slutt nokre av elevane fortelje heile klassen kva dei snakka om.

Spør: Kva trur de ultra betyr? [utover, mer enn, bortenfor] Spør: Kva er forskjell mellom lyd og ultralyd? Vis bilde av flaggermus og be elevane legge merke til korleis øyra ser ut. Spør: Kvifor trur de at dei ser slik ut? Sei: Flaggermus brukar reflektert ultralyd for å kunne orientere seg i mørket. 

Sei: Reflekterte lydar (SONAR) blir bruka til å registrere fisk, ubåtar og andre ting under vatn. Be elevane teikne korleis dei trur dette verkar.