Kva er eit reint stoff?

Vis grubleteikninga til elevane. PDF: bokmål nynorsk

Les høgt dei ulike utsegnene eller la elevane lese dei sjølve. 

Bruk  tenk-par-del  der kvar enkelt elev først tenker gjennom kven han/ho er mest einig med. La dei så fortelje kvarandre to og to kva dei tenker. Be dei om å grunngi kvifor dei tenker som dei gjer. La til slutt nokre av elevane fortelje heile klassen kva dei snakka om. 

Sei: Eit grunnstoff består av berre ein type atom, mens ei kjemisk sambinding består av minst to ulike atomtypar som er bundne tett saman. Ei blanding består av to eller fleire typar stoff. Spør: Kva betyr det eigentleg at eit stoff er «reint»?

Bruk ei stereolupe til å undersøke salt og snakk saman om kvart saltkort består av akkurat det same, og om større saltkrystallar er bygd opp på same måten som mindre saltkrystallar. 

Bruk ei stereolupe til å undersøke sand. Samanlikn oppbygninga til salt og sand. 

Spør: Er salt alltid reint? Er saltvatn reint? Er bordsalt reint? Er vatn i springen reint? Er mineralvatn reint? Be elevane lage ein tabell som viser innhaldet i ulike typar salt og vatn.