1C. Flytskjema posten

Ark 21 i PowerPoint. Sei: Korleis trur de at eit brev kjem fram til ein mottakar? Bruk tenk-par-del

Ark 22 i PowerPoint. Gå gjennom eit eksempel på flytskjema for korleis eit brev kjem fram til ein mottakar. Sei at elevane i oppdraget skal lage eit tilsvarande flytskjema for det smarte klesplagget sitt.

Fagleg bakgrunn

Ark 23 i PowerPoint. Sei: Dei ulike delane av postsystemet har ulike funksjonar. Gå gjennom del for del, med eksempel frå posten (kjem opp ved klikk). Spør undervegs om elevane har forslag til eksempel.

Fagleg bakgrunn

Kommunikasjonssystem

Eit kommunikasjonssystem har nokre funksjonar felles, men desse funksjonane har ulike løysingar i ulike system. I tabellen nedanfor har vi lista opp delar og funksjonar som er sentrale i alle kommunikasjonssystem.

Del	Definisjon	Funksjon
Informasjon	Opplysningar eller materiell som blir sende mellom delane i eit kommunikasjonssystem	Gi opplysningar, beskjeder, meldingar osv
Sendar	Startpunkt for ei informasjonsoverføring	Bestemme kva for informasjon som skal bli send og sende informasjon
Mottakar	Endepunkt for ei informasjonsoverføring	Ta imot informasjon
Adresse	Unik identifikasjonsopplysning for ein geografisk stad eller ei eining	Opplysning om kvar informasjonen kan finnast eller skal sendast
Adresseliste og ruteinformasjon	Oversikt over adresser til delane i systemet og transportruter gjennom systemet	Bidra til at informasjon blir send beste veg gjennom systemet fram til mottakar
Transport	Frakt eller overføring av informasjon i systemet	Frakte informasjonen i systemet
Grensesnitt	Kopling mellom to delar av eit kommunikasjonssystem, der utforminga av grensesnittet og korleis informasjon blir overført gjennom grensesnittet må vere avtalt (standardisert)	Overføre informasjon frå ein del i systemet til ein annan
Overvaking/ kontroll	Overvaking og eventuell avsløring av feil i systemet samt hindring av at uvedkommande får tilgang til informasjon	Overvaking og eventuell avsløring av feil i systemet samt hindring av at uvedkommande får tilgang til informasjon